Jóhanna Harðardóttir

Upplýsingar og tímapantanir í síma 824 2777
TFT-meðferð (Thought Field Therapy), Bowen tækni
og höfuðbeina- og spjaldhryggsjöfnun á Akureyri

TFT-meðferð - Thought Field Therapy

Hér að neðan eru svör við algengum spurningum um TFT-meðferðina.

Hvað er Thought Field Therapy?
Gegn hverju getur TFT-meðferðin gagnast?
Hvernig virkar meðferðin?
Hvernig fer meðferðin fram?
Hvaðan kemur TFT-meðferðin?
Hvernig er háttað námi í notkun TFT-meðferðarinnar?

Ef þig vantar meiri upplýsingar skaltu ekki hika við að hafa samband við mig í síma eða með tölvupósti.

Hvað er Thought Field Therapy?

Meðferðin sem hér er kynnt og er einfaldlega kölluð TFT-meðferð (e. Thought Field Therapy) hefur verið í þróun Bandaríkjunum í meira en aldarfjórðung en stendur nú fyrst til boða á Íslandi.

TFT-meðferð beinist gegn ýmiss konar sálrænum, andlegum og tilfinningalegum vandamálum og er ætlað að hjálpa fólki við að yfirvinna þröskulda eða hindranir sem geta haft verulega hamlandi áhrif á daglegt líf þess. Aðferðin felst í því að ýta undir náttúrulega hæfileika líkamans til að lagfæra vandamál.

TFT-meðferðin samanstendur af einfaldri og auðskiljanlegri tækni. Hún nýtir vökvaþrýstingspunkta sem einstaklingurinn virkjar með því einfaldlega að banka eða pikka létt með fingurgómunum á meðan hugsað er um vandamálið. Notast er við ákveðið kerfi eða röð aðgerða eftir því sem við á hverju sinni. Þessi aðferð getur gert tilfinningaleg og sálræn vandamál óvirk og oft jafnvel útrýmt þeim alveg. Markmiðið með TFT-meðferðinni er að koma á jafnvægi í orkukerfi líkamans.

Fara efst á síðu...

Gegn hverju getur TFT-meðferðin gagnast?

TFT hefur reynst vera ein af árangursríkustu sálrænu meðferðum sem nokkru sinni hefur verið uppgötvuð eða útbúin. Ítrekað hefur reynslan sýnt að þessi aðferð er einstaklega árangursrík meðferð gegn sálrænum, andlegum og tilfinningalegum vandamálum sem geta haft takmarkandi áhrif á lífsgæði, bælt niður getu einstaklingsins og virkað sem hindranir gegn heilbrigði.

TFT er ekki skammtímalausn. Meðferðin veitir raunverulega, mælanlega og varanlega lausn á margs konar vandamálum. TFT hefur verið nefnt hin öfluga meðferð 21. aldarinnar vegna hins mikla árangurs sem af henni hlýst. Mögulegt er að útrýma margs konar vandamálum algjörlega á fimm mínútum. Þetta þýðir þó ekki að sérhvert vandamál svari meðferðinni svo fljótt. Sum vandamál krefjast endurtekinnar meðferðar og samsvarandi breytinga á lífsstíl. Engu að síður hefur meirihluti skjólstæðinga upplifað verulega bót á vandamálum sínum eftir fyrsta meðferðartíma.

Meðferðin getur gagnast fólki á öllum aldri allt frá börnum upp í gamalmenni. Meðferðin er sársaukalaus og kallar ekki á endurupplifun eða losun gamalla upplifana. Hér eru nokkur dæmi um vandamál sem TFT gæti hjálpað þér að lagfæra eða losna við:

• Afleiðingar ástvinamissis og annarra áfalla

• Áfallaröskun eftir margs konar áföll

• Áráttu- og þráhyggjuhegðun ýmiss konar

• Átraskanir ýmiss konar

• Depurð og skapsveiflur

• Einstaklingsbundinn ótti eða ótti barnanna vegna

• Ferðahræðsla, þar á meðal flug- og bílhræðsla

• Innilokunarkennd

• Kvíði og streita

• Kynferðisleg eða nándartengd vandamál

• Lofthræðsla

• Naglanag

• Ofsabræði

• Ofsahræðsla við skordýr eða annað

• Óslökkvandi löngun eða þrá eftir einhverju

• Ótti við að koma fram opinberlega

• Reiði og pirringur

• Reykinga- og drykkjuvandamál

• Þunglyndi og aðrar geðraskanir

• ...og mörg önnur vandamálum sem eru að verulegu leyti sálræns, tilfinningalegs eða andlegs eðlis og geta virkað sem þröskuldar eða hindranir sem geta haft verulega hamlandi áhrif á daglegt líf fólks.

Fara efst á síðu...

Hvernig virkar meðferðin?

TFT-meðferðin er lykill að náttúrulegu lækningakerfi líkamans og felst í því að ýta undir og virkja þennan innri náttúrulega hæfileika, sjálfslækningamáttinn. Segja má að meðferðin felist í því að þú bankar í lækninn innra með þér og hann tekur til starfa þér til hjálpar. Meðferðarsérfræðingurinn aðstoðar þig við að greina vandann og ákveður hvaða lausnarleiðir þú þarft að velja af þeim sem TFT-meðferðin býður upp á.

Ráðist er gegn orsökum vandans þannig að einstaklingnum verður mögulegt að útiloka sínar neikvæðustu upplifanir eða hindranir á stuttum tíma. Innifalið í TFT-meðferðinni er stutt röð sjálfshjálparaðgerða sem hægt er að framkvæma hvar og hvenær sem er.

TFT tengist ekki á nokkurn hátt dáleiðslu og á ekkert skylt við hana. Þegar TFT er notað er ekki nauðsynlegt að trúa á árangur til þess að meðferðin virki. TFT hefur ítrekað komið vantrúuðu efasemdafólki, sem ekki trúði á mátt meðferðarinnar, á óvart. Þetta fyrrum efasemdarfólk komst að því að TFT virkaði án þess að það tryði á það – á sama hátt og sýklalyf eru ekki háð því að einstaklingurinn sem tekur þau trúi á virkni þeirra. Trú á meðferðina skiptir ekki máli fyrir TFT. Þessi meðferð er ekki heldur skyld orkusálfræði enda er það hugtak mjög lauslegt og inniheldur margs konar ferli. Nær sanni væri að kalla TFT upplýsingasálfræði.

Fara efst á síðu...

Hvernig fer meðferðin fram?

TFT-sérfræingurinn sem veitir meðferðina leiðbeinir skjólstæðingnum um það hvernig hann á að banka létt á fyrirfram ákveðna staði á líkamanum og í ákveðinni röð. Á meðan hugsar skjólstæðingurinn um vandamálið. Venjulega leiðir þetta til þess að verulega dregur úr vandamálinu. Mismunandi er hvað og hve mikið er gert eftir því við hvaða vandamál er fengist hverju sinni.

Í einhverjum tilvikum getur vandamál skotið aftur upp kollinum eftir að hafa látið undan gegn árangursríkri meðferð. Ef þetta gerist skaltu hafa samband við TFT-meðferðarsérfræðinginn sem tók þig í meðferð. Meðferðarsérfræðingurinn getur ekki aðeins fengist við vandamálið með góðum árangri aftur heldur mun hann einnig hefja ferli til þess að komast að því hvers vegna vandamálið kom aftur upp. Þegar rétt orsök hefur verið skilgreind er oft einfalt að útrýma vandamálinu til frambúðar.

Fara efst á síðu...

Hvaðan kemur TFT-meðferðin?

Upphafsmaður TFT-meðferðarinnar er Dr. Roger J. Callahan. Hann er menntaður í klínískri sálfræði og hefur meðal annars starfað sem sálfræðingur og kennari í sálfræði, meðal annars við Michigan háskólann og háskólann í Syracuse í Bandaríkjunum. Hann var um skeið forseti samtaka hjónabands- og fjölskyldusálfræðinga í Bandaríkjunum.

Roger og eiginkona hans, Joanne M. Callahan, stofnuðu og reka nú sína eigin meðferðarstofnun, Callahan Techniques, þar sem Thought Field Therapy hefur verið í þróun í yfir aldarfjórðung. Þau hafa gefið út fjölda bóka sem tengjast lausnum ýmiss konar vandamála með hjálp TFT, svo sem um mat á kvíða, skyndihjálp gegn fóbíum, stjórn á mataræði, martraðir vegna áfalla og fleira.

Joanne M. Callahan, sem hefur MBA gráðu í stjórnun á heilbrigðissviði, hefur átt sinn þátt í þróun TFT-meðferðarinnar. Hún er framkvæmdastjóri Callahan Techniques Ltd, stýrir þjálfunarstöð í TFT og ritstýrir fréttabréfi stofnunarinnar ásamt Roger. .

Fara efst á síðu...

Hvernig er háttað námi í notkun TFT-meðferðarinnar?

Ég er eini Íslendingurinn sem sótt hefur nám í TFT og fengið skírteini og leyfi frá
Callahan Techniques til að beita meðferðinni.

Námið sem Callahan Techniques býður upp á fyrir það fólk sem vill fá leyfi til að beita TFT-meðferðinni á skjólstæðinga sína er í nokkrum hlutum.

• Fyrsti hlutinn felst í yfirgripsmiklu sjálfsnámi sem samanstendur af notkun bóka, myndbanda og geisladiska þar sem grundvallaratriði í meðferðinni eru kennd.

• Annar hlutinn er þriggja daga námskeið á vegum stofnunarinnar þar sem mikil áhersla er lögð á verklega kennslu og æfingar í því að nota meðferðina rétt, læra að meta vandann sem við er að fást og ákveða hvað þarf til að leysa hann.

Sumarið og haustið 2005 lauk ég við þessa tvo hluta námsins og hef þar með skírteini frá Callahan Techniques og leyfi til að nota meðferðina eins og hún hefur verið þróuð við stofnunina og undir heitinu Thought Field Therapy..

Fara efst á síðu...

Verð og greiðslur

Einn meðferðartími kostar 4.000 krónur. Þjónustan er því miður ekki niðurgreidd af Tryggingastofnun ríkisins en athygli er vakin á að mörg stéttarfélög endurgreiða hluta kostnaðar - ef fyrir liggur tilvísun eða vottorð frá lækni um þörfina fyrir meðferð af þessu tagi (sambærilegt við sjúkranudd og fleira slíkt). Leitaðu upplýsinga hjá stéttarfélaginu þínu.

Tíðni og fjöldi tíma

Að jafnaði er miðað við að fólk fái ekki meðferð oftar en einu sinni í viku á meðferðartímanum. Gera má ráð fyrir að þrír tímar með reglulegu millibili nægi í flestum tilvikum en það er nokkuð einstaklingsbundið og fer einnig eftir því hvaða kvilla eða sjúkdóm við er að eiga.

Líkaminn læknar sig sjálfur

Hippocrates sagði að líkaminn læknaði sig sjálfur og sá sem veitir meðferð sé aðeins verkfæri náttúrunnar til þess. Allt sem ég geri með aðstoð Bowen tækni eða með höfuðbeina- og spjaldhryggsjöfnun miðar að því að hjálpa líkamanum til þess að lækna sig sjálfur.

Ég hjálpa þér með því að meðhöndla líkamann með þeirri aðferð sem hentar þér - með tilliti til líkamlegs og andlegs ástands þíns. Meðferðin sem ég veiti er þægileg og afslappandi. Þú getur náð djúpri slökun um leið og líkami þinn fær þá hjálp sem hann þarfnast til endurnæringar og þá aðstoð og hvatningu sem hann þarf til að lækna sig sjálfur.

TFT-meðferð, Bowen tækni og höfuðbeina- og spjald-hryggsjöfnun eru aðferðir sem hafa reynst mjög árangursríkar. Hverja þessara aðferða ég nota hverju sinni fer eftir því við hvaða vandamál er að fást, ástandi og óskum skjólstæðings míns  ásamt mati mínu á aðstæðum og því hver þessara aðferða er líklegust til árangurs.

Fara efst á síðu...

Jóhanna Harðardóttir - Bowen tæknir & höfuðbeina- og spjaldhryggsjafnari. Upplýsingar og tímapantanir í síma 824 2777 og í netfanginu heilsubot@heilsubot.com.