| |
Astmi og aðrir öndunarerfiðleikar
Axlavandamál - frosin öxl, stirðleiki og fleira
Börn - ýmsir kvillar og sjúkdómar
Kvíði, stress og fleira slíkt
Mígreni
Vefjagigt
Verkir
Ýmsar rannsóknir
Ef þig vantar frekari upplýsingar skaltu ekki hika við að hafa samband við mig í síma eða með tölvupósti.
Frosin
öxl og vefjagigt – 28 ára kona – fjórir meðferðartímar
-
Þegar Shelli
var tvítug átti hún við erfið líkamleg vandamál að stríða, var sífellt þreytt og mjög slæm í hægri öxlinni þar sem
hún fann fyrir verulegum sársauka og minnkaðri hreyfigetu. Henni var meðal annars sagt að hún væri með frosna öxl
og vefjagigt. Á næstu sjö árum prófaði hún ýmislegt í tilraunum sínum til að ná bata. Hún fékk kortísón sprautur (cortisone),
sterk verkjalyf, blómadropameðferð, nudd, osteopatiumeðferð, viðbragðameðferð (reflexology), höfuðbeina- og
spjaldhryggsjöfnun og sjúkraþjálfun á spítala. Ekkert dugði. Það var ekki fyrr en hún fór í meðferð hjá Paulu
Esson í júní 1999 sem eitthvað fór að gerast. Hún kom í fjóra meðferðartíma og vandinn var leystur, hreyfigetan
var aftur eðlileg, verkurinn horfinn og Shelli gat sofið eðlilega.
Shelli var svo ánægð með árangurinn að hún
fór sjálf út í að læra um þessa meðferð og
fá þjálfun sem Bowen tæknir hjá E.C.B.S. (European College of Bowen Studies).
-
Sjá á:
www.paulaessonbowen.com.
Frosin öxl
– 48 ára kona – þrír meðferðartímar
-
Susan var greind með
frosna öxl. Að ráði læknis hennar fékk hún margar kortísón (cortisone) sprautur. Vandamálið lagaðist
eitthvað en versnaði síðan aftur. Susan stundaði tennis af ákafa varð að hætta af skiljanlegum ástæðum. Að tveimur
árum liðnum fór hún til sérfræðings sem þá greindi hana með belgbólgu (bursitis). Sérfræðingurinn tjáði henni að
hún þyrfti á sprautum að halda það sem eftir væri ævinnar til að halda vandamálinu í skefjum. Þegar hér var komið
sögu ákvað Susan að prófa Bowen meðferð – hún var niðurdregin og fannst sem læknarnir hennar hefðu afskrifað bata
hennar þar sem þeir fundu ekki önnur ráð en að sprauta hana með kortísón. Með Bowen meðferðinni tókst að losa um
öxl hennar og hún hefur verið laus við vandamálið upp frá því – og leikur tennis af mikilli ánægju.
-
Sjá á
www.paulaessonbowen.com
Golfolnbogi, frosin öxl og mígreni
– 48 ára kona – þrír meðferðartímar
-
Kona, 48 ára
gömul, þjáðist af verkjum í hálsi, mígreni (allt að tvisvar sinnum í viku) og stirðleika í hné. Hún hafði áður
verið með frosna öxl sem síðan hafði þróast yfir í golfolnboga og henni hafði verið ráðlagt að fara
í svokallaða viðbragðameðferð (reflexology). Í fyrsta meðferðartímanum í Bowen fann hún hvernig teygðist á
hálsinum og losna tók um olnbogann. Eftir fjóra meðferðartíma hafði hún endurheimt eðlilega orku, öxlin var ekki
lengur til vandræða, mígreniköstin voru hætt að koma og hnén voru betri. Enn voru einhver eymsli í olnboganum – en
ári síðar leið henni mjög vel.
-
Sjá á
www.paulaessonbowen.com
Háls- og
axlameiðsli – 43 ára kona – þrír meðferðartímar
-
“Ég fór nýlega
í Bowen meðferð vegna þrálátra og sársaukafullra háls- og axlaáverka sem höfðu verið til staðar í meira en þrjú
ár. Þó ég væri mjög efins í fyrstu – með það í huga að ótrúlegt væri að svona lítil og létt snerting gæti skipt
svo miklu máli þegar allar aðrar meðferðir sem heimilislæknirinn minn hafði mælt með höfðu aðeins dregið lítillega
úr einkennum í stuttan tíma. Ég var furðu lostin yfir þeim ótrúlega árangri sem náðist, jafnvel aðeins eftir
fyrstu meðferðina.”
-
Sjá á:
www.paulaessonbowen.com
Athugið að hér er ekki
tæmandi listi yfir rannsóknir á virkni Bowen tækninnar, aðeins örfá dæmi. Ætlunin er að bæta inn á þessa síðu með
tíð og tíma, hvoru tveggja upplýsingum um rannsóknir sem gerðar hafa verið og reynslusögum þeirra sem fengið
hafa gagn af þessari áhrifaríku meðferð.
Fara efst á síðu.. |
Verð og greiðslur
Einn
meðferðartími kostar 4.000 krónur. Þjónustan er því miður ekki niðurgreidd af Tryggingastofnun ríkisins en athygli
er vakin á að mörg stéttarfélög endurgreiða hluta kostnaðar - ef fyrir liggur tilvísun eða vottorð frá lækni um
þörfina fyrir meðferð af þessu tagi (sambærilegt við sjúkranudd og fleira slíkt). Leitaðu upplýsinga hjá
stéttarfélaginu þínu.
Tíðni og fjöldi tíma
Að jafnaði er miðað við að fólk fái
ekki meðferð oftar en einu sinni í viku á meðferðartímanum. Gera má ráð fyrir að þrír tímar með reglulegu millibili
nægi í flestum tilvikum en það er nokkuð einstaklingsbundið og fer einnig eftir því hvaða kvilla eða sjúkdóm við er
að eiga.
Líkaminn læknar sig sjálfur
Hippocrates
sagði að líkaminn læknaði sig sjálfur og sá sem veitir meðferð sé aðeins verkfæri náttúrunnar til þess.
Allt
sem ég geri með aðstoð Bowen tækni eða með höfuðbeina- og spjaldhryggsjöfnun miðar að því að hjálpa líkamanum til
þess að lækna sig sjálfur.
Ég hjálpa þér með því að meðhöndla
líkamann með þeirri aðferð sem hentar þér - með tilliti til líkamlegs og andlegs ástands þíns. Meðferðin sem ég
veiti er þægileg og afslappandi. Þú getur náð djúpri slökun um leið og líkami þinn fær þá hjálp sem hann þarfnast
til endurnæringar og þá aðstoð og hvatningu sem hann þarf til að lækna sig sjálfur.
TFT-meðferð, Bowen
tækni og höfuðbeina- og spjald-hryggsjöfnun eru aðferðir sem hafa reynst mjög árangursríkar.
Hverja þessara aðferða
ég nota hverju sinni fer eftir því við hvaða vandamál er að fást, ástandi og óskum skjólstæðings míns ásamt
mati mínu á aðstæðum og því hver þessara aðferða er líklegust til árangurs.
Fara efst á síðu... |
|
