|
BETRI HEILSA - BJARTARI FRAMTÍÐ!
Með það að leiðarljósi að bjóða fjölbreytta þjónustu
og margs konar möguleika fyrir skjólstæðinga mína á að bæta heilsu sína, sigrast á vandamálum og yfirvinna
hindranir í daglega lífinu býð ég upp á þrjá mismunandi meðferðarmöguleika eða
aðferðir til aðstoðar:
TFT-meðferð - Thought Field Therapy
Thought Field Therapy (TFT-meðferð) beinist gegn ýmiss konar sálrænum, andlegum og
tilfinningalegum vandamálum og er ætlað að hjálpa fólki að yfirvinna þröskulda eða hindranir sem geta haft verulega hamlandi áhrif á daglegt
líf þess. Aðferðin felst í því að ýta undir náttúrulega hæfileika líkamans til að lagfæra vandamál. Við meðferðina er notast við létt högg, bank eða snertingu á tiltekna staði á líkamanum
eftir ákveðnu kerfi eða röð eftir því við hvað er fengist hverju sinni.
TFT er árangursrík meðferð gegn
flestum neikvæðum tilfinningum eða upplifunum. Meðferðin getur gagnast fólki á öllum aldri allt frá börnum upp í
gamalmenni. Meðferðin er sársaukalaus og kallar ekki á endurupplifun eða losun gamalla upplifana.
Ráðist
er gegn orsökum vandans þannig að einstaklingnum verður mögulegt að útiloka sínar neikvæðustu upplifanir eða
hindranir á stuttum tíma. Innifalið
í TFT-meðferðinni er stutt röð sjálfshjálparaðgerða sem hægt er að framkvæma hvar og hvenær sem er.
Nánar um TFT-meðferð
- svör við ýmsum spurningum er að finna hér...
Fara efst á síðu...
Bowen tækni
Bowen
tækni er tegund meðferðar sem notuð er á líkamann og kemur af stað
heilunarferli, er verkjastillandi og -losandi og endurnýjar orku líkamans.
Eitt af einkennum Bowen tækni er að áhrifin eru þægileg, djúp og
afslappandi.
Bowen
tæknir notar þumla og fingur á ákveðna staði á líkamanum og gerir
rúllandi hreyfingar með það að markmiði að trufla boðskipti milli heila, vöðva og
bandvefs og að hafa þannig áhrif á orkuflæði innan líkamans. Með meðferðinni er líkaminn hvattur til eigin endurnýjunar og lagfæringar. Engri þvingun né
heldur afli er beitt við meðferðina.
Bowen
tækni hentar fólki á öllum aldri. Hún er engum
hættuleg og ekkert kemur í veg fyrir að hægt sé að beita henni. Hana má nota
í neyðartilvikum og við hvaða aðstæður og við hvaða ástandi sem er.
Meðferð með Bowen tækni er hægt að nota af öryggi og án áhættu gegn flestum
þekktum vandamálum sem steðja að líkamanum.
Ágrip af ævisögu Toms Bowen...
Nánar um meðferð með Bowen
tækni:
– svör við ýmsum spurningum er að finna hér..
Fara efst á síðu...
Höfuðbeina- og spjaldhryggsjöfnun
Höfuðbeina- og
spjaldhryggsmeðferð er óvenjulega mild en jafnframt öflug meðferð sem hefur það meginmarkmið að skapa heilbrigt
jafnvægi á öllum sviðum líkamsstarfseminnar og viðhalda því. Sú eða sá sem meðferðina veitir nemur taktinn í
höfuðbeina- og spjaldhryggskerfi líkamans og hreyfingar höfuðbeina, finnur stíflur og hindranir og hjálpar
líkamanum að losa stíflurnar, fjarlægja hindranir og rétta sig af án þess að þvinga hann á nokkurn hátt.
Meðferðin getur komið
nánast hverjum sem er að gagni við nánast hvaða aðstæður sem er. Hún nýtist hverjum og einum í samræmi við þær
þarfir sem líkaminn hefur til lagfæringar og betra jafnvægis því líkaminn stýrir meðferðinni sjálfur þegar hann
fær ákveðna örvun til þess. Reynslan sýnir að höfuðbeina- og spjaldhryggsjöfnun hefur góð áhrif á líkamann og
örvar hann til sjálfsheilunar án tillits til þess hvaða sjúkdómur eða kvilli hrjáir hann. Árangurinn er
misjafnlega góður eftir einstaklingum, sjúkdómum og vilja líkamans til þess að taka við meðferðinni.
Nánar um höfuðbeina- og
spjaldhryggsjöfnun:
– svör við ýmsum spurningum er að finna hér...
Fara efst á síðu...
|
Verð og greiðslur
Einn
meðferðartími kostar 4.000 krónur. Þjónustan er því miður ekki niðurgreidd af Tryggingastofnun ríkisins en athygli
er vakin á að mörg stéttarfélög endurgreiða hluta kostnaðar - ef fyrir liggur tilvísun eða vottorð frá lækni um
þörfina fyrir meðferð af þessu tagi (sambærilegt við sjúkranudd og fleira slíkt). Leitaðu upplýsinga hjá
stéttarfélaginu þínu.
Tíðni og fjöldi tíma
Að jafnaði er miðað við að fólk fái
ekki meðferð oftar en einu sinni í viku á meðferðartímanum. Gera má ráð fyrir að þrír tímar með reglulegu millibili
nægi í flestum tilvikum en það er nokkuð einstaklingsbundið og fer einnig eftir því hvaða kvilla eða sjúkdóm við er
að eiga.
Líkaminn læknar sig sjálfur
Hippocrates
sagði að líkaminn læknaði sig sjálfur og sá sem veitir meðferð sé aðeins verkfæri náttúrunnar til þess.
Allt
sem ég geri með aðstoð Bowen tækni eða með höfuðbeina- og spjaldhryggsjöfnun miðar að því að hjálpa líkamanum til
þess að lækna sig sjálfur.
Ég hjálpa þér með því að meðhöndla
líkamann með þeirri aðferð sem hentar þér - með tilliti til líkamlegs og andlegs ástands þíns. Meðferðin sem ég
veiti er þægileg og afslappandi. Þú getur náð djúpri slökun um leið og líkami þinn fær þá hjálp sem hann þarfnast
til endurnæringar og þá aðstoð og hvatningu sem hann þarf til að lækna sig sjálfur.
TFT-meðferð, Bowen
tækni og höfuðbeina- og spjald-hryggsjöfnun eru aðferðir sem hafa reynst mjög árangursríkar.
Hverja þessara aðferða
ég nota hverju sinni fer eftir því við hvaða vandamál er að fást, ástandi og óskum skjólstæðings míns ásamt
mati mínu á aðstæðum og því hver þessara aðferða er líklegust til árangurs.
Fara efst á síðu... |
